A Dirección Xeral de Mobilidade exerce as funcións de impulso, xestión e coordinación das políticas nos ámbitos da planificación, financiamento e ordenación do transporte. En concreto, abarca os servizos e as infraestruturas de transportes na comunidade, así como a investigación sobre transporte, loxística e mobilidade.

Entre as funcións deste departamento inclúense:

• A asistencia e a supervisión ao funcionamento da Xunta Arbitral de Transportes de Galicia
• A ordenación do transporte terrestre, por cable e marítimo no ámbito competencial da comunidade
• As competencias dos servizos de transporte a escolares con dereito a transporte escolar gratuíto e do Servizo Galego de Apoio á Mobilidade Persoal, como transporte adaptado
• O control e inspección dos modos de transporte
• A tramitación e a resolución dos expedientes sancionadores en materia de transporte terrestre e marítimo
• A implantación da mobilidade sustentable
• A coordinación dos transportes urbanos cos interurbanos
• A execución da oferta intermodal de transporte na comunidade e das infraestruturas do transporte de viaxeiros/as e a proposta de adxudicación e explotación das terminais de transportes de viaxeiros/as
• A xestión dos centros integrados de transporte e de plataformas para as actividades do transporte e a operatividade loxística de mercadorías
• As instalacións de transportes por estrada, ferrocarril, aéreo e por cable e, en xeral, a coordinación da actividade dos servizos territoriais de mobilidade