Transporte de viaxeiros

Axudas para a realización dos cursos para a obtención do certificado de aptitude profesional acreditativo da cualificación inicial e na modalidade de ampliación ou promoción, así como para a obtención dos permisos de condución das clases C e/ou D, para a incorporación de condutores/as profesionais ao mercado laboral (código de procedemento IF310G)

Data de actualización: 18/05/2026

Obxecto
Liña 1: Subvencionar os cursos realizados coa cualificación de apto, para a obtención do certificado de aptitude profesional acreditativo da cualificación inicial e/ou de “ampliación ou promoción”, dos condutores residentes na Comunidade Autónoma de Galicia, para o exercicio da actividade de condutor/a profesional de determinados vehículos destinados ao transporte de mercadorías ou de viaxeiros por estrada.
 
Liña 2: Subvencionar a obtención dos permisos de condución das clases C, C+E, C1, C1+E, D, D+E, D1, D1+E.
 
A quen vai dirixido?
Poderán solicitar as axudas as persoas físicas que cumpran os seguintes requisitos na data de presentación da solicitude:
a) Ter feitos os 18 anos.
b) Estar empadroadas na Comunidade Autónoma de Galicia con anterioridade ao inicio do período subvencionable (31 de outubro de 2025) e continuar empadroadas ininterrompidamente ata a data da resolución.
c) Para a liña 1, ter realizado e superado o/s curso/s para a obtención do certificado de aptitude profesional durante o período subvencionable (do 31 de outubro de 2025 ao 30 de setembro de 2026).
Para a liña 2, ter obtido o/s permiso/s de condución das clases C, C+E, C1, C1+E, D, D+E, D1, D1+E, durante o período subvencionable.
d) Ter realizado o pagamento das facturas dentro do período subvencionable. Este pagamento debe estar debidamente documentado.
e) Cumprir os requisitos xerais establecidos no artigo 11 e) da Lei 9/2007, do 13 de xuño, de subvencións de Galicia.
 
A onde acudir?
Xunta de Galicia
Consellería de Presidencia, Xustiza e Deportes
Dirección Xeral de Mobilidade
Subdirección Xeral de Ordenación do Transporte
Servizo de Autorizacións, Informes e Apoio Xurídico
San Caetano, s/n
15781  Santiago de Compostela  (Coruña, A)
Teléfonos: 981544377 e 881958510
 
Órgano responsable
Subdirección Xeral de Ordenación do Transporte

Sede electrónica

Documentos relacionados

  • Relación de facturas e pagos
    PDF

Normativas relacionadas