Data de actualizacion: 18/02/2022

Publícanse as relacións definitivas de aspirantes aptos/as correspondentes ás probas que tiveron lugar o pasado 11 de decembro de 2021.

As persoas que figuren nelas poderán retirar o título, en canto estea dispoñible, nas oficinas da Dirección Xeral de Mobilidade (San Caetano, s/n - 15781 Santiago de Compostela). Consulte previamente se o título está xa dispoñible no teléfono 881 995 076.

Para retirar o título deberá identificarse co seu Documento Nacional de Identidade. En caso de ser outra persoa a que se achegue a retiralo, deberá presentar unha autorización por escrito asinada pola persoa titular.

Para que lle sexa entregado o título, previamente deberá aboarse a correspondente taxa de expedición. Os códigos que deberán consignarse no formulario de recadación das taxas e prezos da Comunidade Autónoma de Galicia (dispoñible en calquera das oficinas das entidades financeiras colaboradoras) son os seguintes:

• Consellería de: IV; código: 06
• Delegación de: SS.CC.; código: 13
• Servizo de: Mobilidade; código: 02
• Denominación: Título xestor de transporte; código: 31.01.06
• Importe: 23,18 euros

Para máis información sobre a expedición de títulos, contacte co teléfono 881 995 076.