As terminais de autobuses integradas en estacións intermodais son operacións desenvolvidas a través da Dirección Xeral de Mobilide.

Esta operación ten por obxecto a execución dunha nova Terminal de Autobuses integrada na área Intermodal de Lugo. Construirase unha terminal de autobuses próxima á de ferrocarril, na que os autobuses e os viaxeiros poden acceder á mesma cota. O edificio configúrase en dúas plantas, a planta situada á cota de dársenas, que tamén dá continuidade ao espazo público peonil, constitúese como prolongación deste, e nela localízanse todos os espazos de servizo e estancia dos usuarios. Os usos administrativos dispoñeranse na primeira planta, no que tamén se localizarán os cuartos técnicos.

Os autobuses accederán ás dársenas a través dun novo viaduto que conectará coa glorieta existente da Rúa Paradai de Arriba, e os viaxeiros a través da entrada principal do edificio.