Data de actualizacion: 23/09/2024

Esgotamento do crédito orde Eurotaxi 2024

Ao abeiro do establecido no artigo 5.4.2 da Orde do 17 de novembro de 2023, pola  que se establecen as bases reguladoras para a concesión de axudas para a adquisición de vehículos taxi adaptados a persoas con mobilidade reducida (Eurotaxi), vehículos taxi de emisións cero e vehículos taxi Eco, e se convocan para o exercicio 2024, infórmase de que unha vez revisadas e ordenadas todas as solicitudes presentadas, e tendo en conta o disposto no artigo único da Orde do 31 de maio 2024 pola que se amplía o crédito existente para as anteditas axudas, a última solicitude a que se puido conceder a axuda antes do esgotamento total do crédito incluída a ampliación de crédito foi a IF303A-0434/2024 presentada na sede electrónica o día 16/08/2024 ás 10:02:24h. Xa que logo, infórmase do peche adiantado do prazo para a presentación de solicitudes nos termos establecidos na orde nas anteditas liñas.

Sen prexuízo do establecido no parágrafo anterior, na orde de convocatoria establécese que as solicitudes que se presenten unha vez esgotado o crédito, de ser o caso, quedarán nunha lista de agarda e serán admitidas a trámite na medida na que exista crédito para poder atendelas.